The Eight killer in trading الاخطاء ال 8 القاتلة

المغامرة بحجم عقد كبير (Over-Leveraging)

انك تدخل الصفقة بلوت كبير علشان تكسب بسرعة وده بيخسرك بسرعة برضو.

ببساطة لازم تعرف حجمك في السوق وقبل اي صفقة تكون عارف انك قد ما ممكن تكسب فممكن جدا جدا تخسر فهل انت قد انك تخسر كتير بسرعة؟

ولو الاجابة لا يبقي متكسبش كتير بسرعة وحط الخسارة قدام عينك.

الرافعة المالية سلاح ذو حدين لازم تتعلم تستفيد بيه مش يقتلك .

نقل وقف الخسارة بعيد (Moving the Stop Loss)

كل ما السعر يقرب من وقف الخسارة اللي انت محدده تقوم انت تبعد وقف الخسارة بتاعك اعتقادا منك انك بتدي الصفقة فرصة وده بيخلي خسائرك تكبر .

 

الدخول بدافع الانتقام (Revenge Trading )

انك لما بتخسر في صفقة بتحاول تدخل السوق تاني بصفقة جديدة فورا علشان تعوض خسارتك والصفقة دي بتكون بدون تحليل او اهداف حقيقة او رؤية وفي النهاية بتلاقي انك بضاعف خسائرك مش اكتر.

مفيش ادارة راس مال (Risk Management)

حتي لو تحليلك صح بدون ادارة راس مال صارمة هتخسر .
وده لانك عايز تكسب اكبر قدر ممكن من الصفقة ومش عامل حسابك انك في سوق والميكر بتاعه مش هدفه الاول انه تكسب فممكن جدا يفأجاك بانعكاس قبل تنفيذ رؤيتك او حتي بكسر وهمي (False Break) .

ترك الارباح تجري … وتركيز علي الخسائر فقط (Cut profits short & let losses Run)

بعض الناس بتقفل الارباح بدري جدا ولكن بتصبر علي الخسارة وتسيب الصفقة مفتوحة يعني بتخاف تخسر بايدك فتسيب الخسائر تكبر والمفروض العكس تماما انك ملتزم بخسارة مش هتقدر تخسر غيرها انما الربح مفتوح لحين وجود اشارة انعكاس واضحة لان القاعدة بتقول (Buy & Hold ) .