علاقة الين الياباني بالذهب

إيه علاقة الين الياباني بالذهب؟ 

السؤال ده ممكن يبان غريب في البداية، لكن اللي بيحصل في اليابان حاليًا مهم جدًا لأي حد بيتداول الذهب أو الدولار. 

اليابان لسنوات طويلة كانت صاحبة واحدة من أقل أسعار الفائدة في العالم، وده خلق ظاهرة اسمها Yen Carry Trade. 

 ببساطة: 

 المستثمر يقترض بالين بتكلفة منخفضة → يحول الين لدولار → ويستثمر الأموال في أصول بتدي عائد أعلى، خصوصًا السندات والأسهم الأمريكية. 

وطالما الفائدة في اليابان منخفضة والين ضعيف، اللعبة دي بتشتغل بشكل ممتاز. 

لكن إيه اللي اتغير؟ 

 بنك اليابان بدأ يخرج تدريجيًا من سياسة الفائدة المنخفضة. 

وفي يونيو رفع الفائدة إلى 1%، وهي أعلى مستوياتها منذ عقود، والآن محافظ البنك Kazuo Ueda ألمح إلى أن اجتماع سبتمبر سيناقش إمكانية رفع جديد للفائدة، خصوصًا مع استمرار الضغوط التضخمية وضعف الين. 

والين حاليًا قريب من 160 ين للدولار، وبالتالي أي توقعات برفع الفائدة اليابانية ممكن تدعم الين وتضغط على USD/JPY. 

 وهنا تبدأ القصة اللي تهمنا في الذهب. 

لو بنك اليابان رفع الفائدة أو أصبح أكثر تشددًا: 

 ⬇️ جاذبية الـ Yen Carry Trade تقل 

⬇️ بعض المستثمرين يبدأوا يفكوا مراكزهم 

⬇️ الطلب على الدولار وبعض الأصول ذات العائد المرتفع ممكن يتراجع 

⬇️ وقد نشهد تحركات في عوائد السندات الأمريكية نتيجة إعادة توزيع الأموال 

والأهم… 

ممكن نشوف تحرك قوي في الدولار والـ Treasury Yields. 

وده بالضبط المكان اللي يدخل فيه الذهب. 

لأن الذهب بيتأثر بشكل كبير بـ: 

USD + Real Yields + توقعات الفائدة 

فلو ضعف الدولار وانخفضت العوائد الحقيقية، البيئة عادةً تصبح أكثر دعمًا للذهب. 

لكن خلي بالك… 

مش معنى إن الين يقوى = الذهب لازم يطلع. 

العلاقة مش مباشرة بالشكل ده. 

اللي يهمنا هو سبب قوة الين. 

لو الين بيقوى بسبب توقعات رفع الفائدة في اليابان، وفي نفس الوقت ده بيؤدي إلى فك جزء من الـ Carry Trade وإعادة تمركز الأموال عالميًا، هنا ممكن نشوف تأثير غير مباشر على الدولار والعوائد وبالتالي على الذهب. 

وعشان كده، من النهارده: 

لما تتابع USD/JPY 

ما تبصش عليه باعتباره زوج عملات خاص باليابان فقط. 

بص عليه كواحد من المؤشرات اللي ممكن يقولك: 

هل الـ Carry Trade بيتوسع؟ 

ولا بدأ يحصل له Unwinding؟ 

والسوق حاليًا عند نقطة مهمة جدًا. 

محافظ بنك اليابان ألمح إلى مناقشة رفع الفائدة في اجتماع سبتمبر، والأسواق تراقب بشدة تحركات الين والعوائد اليابانية. 

الخلاصة: 

اليابان ترفع الفائدة 

→ الين يقوى 

→ Carry Trade يبدأ يضعف 

→ حركة الأموال العالمية تتغير 

→ الدولار والعوائد الأمريكية يتأثروا 

→ والذهب ممكن يتأثر بقوة. 

لذلك… 

لو أنت بتتداول الذهب، متبصش على الذهب لوحده. 

راقب: 

USD/JPY 

DXY 

US10Y 

Real Yields 

BOJ 

Fed 

لأن أحيانًا حركة الذهب تبدأ من مكان بعيد جدًا عن الذهب نفسه. 

ومن هنا تبدأ تفهم السوق… مش مجرد تتوقعه. 

بقلم  
ناردين شحاتة