الذهب الرقمي

هو شكل من اشكال الاستثمار في الذهب بحيث يمكنك شراء وامتلاك الذهب دون الحاجة الي الاحتفاظ بالسبائك والعملات في بيتك .
مميزات التعامل علي الذهب الرقمي :-
1- سهولة الشراء : حيث يمكن شراء اي كمية تحتاجها من خلال المنصات الالكترونية دون الحاجة الي الذهاب الي الاسواق او تعطيل يومك كما يمكنك الشراء بمبالغ صغيرة جدا مقارنة بتمن الاونصة كاملة .
2- عدم الحاجة الي التخزين الذاتي : فلاتحتاج االي مكان امن لتخزين الذهب ومسئولية تخزين وقت غيابك او سفرك .
3- سرعة التسيل والبيع : يمكنك بيع وشراء وزنتك من خلال التطبيق من مكانك وفي ثواني فلا تلتزم بمواعيد محلات الصاغة المحدودة لان الاسواق العالمية تعمل 23 ساعة يوميا عدا السبت والاحد .
4- الشفافية : لانك هنا بتتعامل علي اسعار الذهب العالمية الموحدة في جميع القارات في نفس اللحظة وبكدا بتقدر تستفيد بتغيرات الاسعار اللحظية علي سعر الاوقية العالمي بدون تدخلات من التسعير المحلي .
5- العمولات والمصنعيات : لاتوجد مصنعيات في عمليات الشراء وكمان لاتوجد فروقات بين البيع والشراء كما موجود في السوق المحلي .

العيوب :-
1- بعض المنصات تفرض شروط علي عمليات السحب اليومية .
2- وجود عمولات عالية في بعض المنصات علي عمليات الشراء .
3- وجود عمولات عالية في بعض المنصات علي عملية تسلم الذهب الفعلي .
4- وجود بعض المنصات الغير موثوقة .

طرق التعامل علي الذهب الرقمي بتنقسم لشقين :-
اما التعامل برافعة مالية او التعامل بدون رافعة مالية وهقولك الفرق بينهم :-
الرافعة المالية :-

الرافعة المالية هي قوي شرائية اضافية لحسابك بمعني

سعر الاونصة حاليا كمثال  4115 دولار وانت عملت ايداع ب 1000 دولار بس ده معناه في الطبيعي انك متقدرش تشتري اونصة واحدة

االرافعة المالية بقي بتبقي مثلا من1 الي 500 يعني ال 1000 فلوسك مضروبة في 500 يعني القوة الشرائية لحسابك 500 الف دولار

وبالتالي تقدري تشتري 100 اونصة واكتر بال 1000 دولار بتوعك

طب ده حلو في اي ووحش ف اي

انك لو الذهب طلع دولار بتكسب 100 دولار لانك تملك 100 اونصة ولو نزل دولار بتخسر 100 دولار برضو

فده يخلي لو الذهب طلع 10 دولار حسابك يبقي الضعف 10*100 ولو نزل 10 دولار يبقي حسابك صفر

فدي طريقة بتحتاج ادارة مخاطر وضبط نفس بمعني انك مثلا بتشتغل ب1000 دولار فمش بتشتري اكتر من اونصتين علشان يبقي معاك انعكاس جوا السوق 500 دولار

فالرافعة المالية طريقة مخاطرها عالية وفي المقابل مكسبها عالي وخسارتها عالية الا في حالة الالتزام بادارة المخاطر .

التعامل بدون رافعة مالية :-

بدون رافعة مالية دي معناها انك بتشتغل بسعر الاونصة الفعلي

حضرتك عايز تشتري اونصة يبقي بتعمل ايداع بتمنها كامل مثلا دلوقتي 4117 دولار

المميزات اولا عمولة اقل من الرافعة بتكون 10 سينت بس علي الاونصة

ثانيا تتقدر تستلم ذهبك وبتدفع وقتها عمولة علي الجرام

ثالثا بتشتغل بدون اي مخاطر فالحالة الوحيدة لخسارة فلوسك ان الذهب يبقي بصفر وده مستحيل

ولكن هي عديمة المخاطر فبالتالي مكسبها اقل من الرافعة .


اخيرا الذهب الرقمي هو تطور طبيعي للتعامل علي الذهب في ظل سرعة الحركة بيوفرلك اكتر من طريقة علشان تستفيد من تغيرات الاسعار علي مدار الساعة وده بيكون له مميزات كتير زي ما برضو له عيوب وعليك تختار الطريقة اللي تناسبك وانت بتواكب الظروف .