سيكولوجية الجمع في التداول

سيكولوجية الجمع في التداول

(Crowd psychology)

سيكولوجية الجمع في التداول هي سلوك السوق الناتج عن تفاعل نفسي جماعي للمتداولين وهو اللي بيخلق الترندات والدعوم والمقاومات والانعكاسات .

يعني قرارات الفرد في السوق ليست قرارات فردية بل تتاثر بسلوك القطيع (Herd behavior) .
اهم مظاهر سيكولوجية الجمع في التداول :-
1– الخوف ( لما الكل يخاف ) بيظهر عندنا بيع جماعي (Panic selling )  ودي بيودينا لنقط شراء قوية .
2- الطمع بيظهر عندنا صعود قوي للسوق (Buying frenzy )  وده بالطبع بيوصلنا لنقط بيع قوية .
3- التاكيد الاجتماعي (Social proof )  : وفي الحالة دي بيجيلك اقتناع انك لازم تدخل صفقة لمجرد ان الكل دخل سواء شراء او بيع .
4- الفقاعات والانهيارات : التجمع النفسي بيعمل “فقاعة سعرية ” (Bubble) وبعدها انهيار عنيف (Crash)  .
5- تضخيم الاتجاه (Trend reinforcement) : لما مجموعة كبيرة تدخل علي نفس الاتجاه فيخلوا الاتجاه يبان اقوي ويجذب ناس اكتر .
6- تاثير الاخبار والاشاعات : سواء كانت سلبية او ايجابية فهي بتاثر في السوق مش علشان قيمتها كبيرة ولكن علشان الكل بيتفاعل معاها بنفس الطريقة .

هل التحليل الفني اهم ام التحليل الاساسي ام التحليل النفسي ؟

في كل المصادر والكتب هتلاقي اختلاف في نسبة الاهمية ولكن دايما هتلاقي ان الاهم في المقدمة هو التحليل النفسي في السوق باختلاف النسب .

ده بيوصلنا لواحد من اهم الاسئلة غرابة في السوق وهو مين الاشطر دايما في السوق ؟
– هل اللي بيعرف يشتري من نقط صح ؟
-هل اللي بيعرف يبيع من نقط صح ؟
-هل اللي بيعرف يعمل الاتنين ؟


فتكون المفاجاة ان الاجابة بالاجماع ان الانجح في سوق التداول هو الشخص اللي بيعرف يتعامل مع السوق بعد القرار الخاطئ .

وده هيخلينا نشوف هي اي المشاعر اللي بتجيلنا بعد القرار الخاطئ وازاي نقدر نعالجها ونتعامل معاها ونشوف اي الانحيازات اللي بتخلينا نتمادي في الغلط ونخسر اكتر .

1- انحياز النفور من الخسارة (Loss Aversion Bias ) .
وهنا هنواجه شعورنا في بداية حدوث الخسارة والاقتراب من نقطة وقف الخسارة اللي محددها قبل ما تدخل الصفقة (stop loss )  
1– اول احساس بيجيلك هو الغضب (Angry)  ودي افضل نقطة المفروض تخرج فيها من السوق .
2- تاني احساس لو مخرجتش وبدات تبعد الاستوب بتاعك وهو الخوف (Fear)  وهنا بتبدا تبقي خايف ان السوق يكون هيعكس اتجاهه عليك وهتخسر اكتر .
3- تالت احساس لو كملت انك تبعد الاستوب وهو التمني (Hope)  وهنا هتبدا تتمني ان السوق يرجع لاتجاهك ويكسبك وفي الحالة دي هتكون بتخسر اكتر واكتر .
2- الشعور ده للاسف بيوصلنا لانحياز اخر وهو انحياز التاكيد (Confirmation Bias ) .
وهنا بتبدا تخلق لنفسك مبررات بتاكد بيها ان خلاص السوق لازم يغير اتجاهه وصفقتك تكسب  .

3- انحياز الربط الوهمي (Illusory correlation bias) :
وده انك تشوف اشارات واضحة من السوق وترفض استغلالها لاسباب انت بس اللي تعرفها وتخصك .
زي انك قفلت صفقتك عند سعر ثم السوق ارتفع واعطي اشارة انه مكمل ارتفاع ولكن انت هترفض تدخل السوق تاني لانك عايز تشتري بسعر اقل من السعر اللي بيعت عليه ده اسمه انحياز الارتباط الوهمي
لان السوق ميعرفش انت بيعت علي كام او عايز تشتري علي كام والطبيعي انك تستخدم اشارات السوق اذا اعطي اشارة للشراء فانت بتشتري واذا اعطي اشارة للبيع انت بتبيع بدون اي اعتبارات اخري



– مراحل تغيير نفسية المتداول من الخسارة الي المكسب و(السوق من الهبوط الي الصعود ) ومن المكسب الي الخسارة (الهبوط الي الانهيار ) .
هنبدا بمراحل تطور النفسية من الهبوط الي الصعود :-
1- الاكتئاب (depression) : وهنا انت شايف انك خلاص مستحيل تكسب من السوق وان السوق مفيهوش اي فرص حقيقة .
2- عدم الايمان او اليقين (unbelief)  : وهنا بتبدا تظهر قوي شرائية ضعيفة ولكن لسه معندكش ثقة في نفسك او في السوق  .
3- الايمان والتصديق (belief): وهنا بتبدا تكسب ثقة في السوق وبتبدا تظهر عوامل حقيقة تدمع الصعود

4- الثقة ( Confidence) : هنا بتبدا تكسب وتكتسب ثقة قوية في السوق لانك بتلاقي مؤسسات مالية كبري ومستثمرين بياكدوا قوة السوق وانه اكثر وضوحا .

5- الثقة المفرطة (Over confidence) : هنا بتبدا تلاقي ان السوق بيصعد بقوة متتالية وبتبدا تكسب بشكل كبير يقنعك انه افضل استثمار ممكن

6- الطمع (Greed) : وهنا بتوصل بيك الاسواق الي اعلي مراحل المخاطرة لانك بتكون شايف كل صفقاتك بتكسب وهنا من الضروري انك توقف تتداول وتخرج برا السوق لان الخسارة جاية جاية

7- الجنون (Menia) : ودي المرحلة اللي بتبدا فيها تتخلي عن كل حاجة في حياتك مقابل التداول  لانك شايف انك من محركات السوق واكتر حد فاهمه ومتاكد من اتجاهاته وبتوصل بيك انك تبيع املاك وتستلف فلوس وتقرر انك هتكسب العالم كله معاك وهنا بتكون النهاية التعيسة بانك بتخسر كل حاجة والسوق بينهار .

وهنا بنروح للمراحل النفسية اثناء الهبوط بعد الصعود الجنوني :-

1- الصدمة والانهيار (Panic) : وهي هبوط عنيف جدا ومفاجا وعكس كل التوقعات وخسائر مالية ضخمة .
2- عدم التصديق (Unbelief): وهنا المستثمرين وانت اوحد منهم بيكون عندهم حالة رفض وعدم تصديق ان السوق ده بينهار او هيكمل انهيار .
3- التمني (Hope): تبدا هنا نغمة ان السوق في حالة تسعير خاطي وان السوق لابد من عودة صعوده .
4- اليأس (Desperation)
5- فقدان الامل (Hopelessness)



اهم اهداف دمج التحليل الفني مع التحليل النفسي هو وجود نظام (Make Discipline) من خلال 3 خطوات :-
1- اعرف نفسك Know your self  .
2- اصنع خطتك واهدافك من التداول Make your plan  .
3- تحكم في مخاطرتك والالتزام المطلق Control Your Risk  . 

وهنا لازم يكون واضح ليك ان نتائج التداول محدودة وبتتقسم لخمس نتائج نهائية لا سادس لهما :-
1- المكاسب الصغيرة (Small profit )  .
2- الخسائر الصغيرة (Small loss ) .
3- لامكسب ولا خسارة
4- مكسب كبير (Big profit) .

اذا ركزت هتلاقي ان الخسائر الصغيرة هضيع مقابل الخسائر الصغيرة
والصفقات اللي خرجت بدون مكسب ولا خسارة كأنها محصلتش
 وبكدا تكون بتحقق مكاسب كبيرة بس .
وده بشرط واحد فقط تجنب الخسائر الكبري (Avoid Big Loss) .
وده بانك تؤمن ان مفيش اي حد بيخسر من مجموع خسائر صغيرة والحقيقة انك بتخسر وحسابك بيضيع بس من الخسائر الكبيرة اللي تقدر ببساطة تتجنبها بالتزامك النفسي بنقاط وقف الخسارة .


في النهاية سيكولوجية الجمع في التداول بتاكدلك ان الدايرة مقفولة افعالك في الحاضر غيرك عملوها في الماضي  في اسواق تانية مختلفة وده بياكدلك ان السوق بيعيد نفسه باستمرار وانت دايما في الاختبار هل هتسبق بخطوة وتسيطر علي انفعالاتك اللي بيحركها سلوك االقطيع والجمهور ولا هتكمل دوامة الصعود ثم الهبوط والثقة ثم االانهيار ..