فقاعة التوليب وفقاعة الذهب

فقاعة التوليب وفقاعة الذهب .
(Tulip Mania ) .

فقاعة التوليب تعتبر اول فقاعة مالية موثقة في تاريخ البشرية .
حصلت في هولندا في القرن ال17 تحديدا ما بين 1634 و 1637 وده في وقت كانت فيه هولندا واحدة من اغني واقوي الدول في اوروبا حيث التجارة المزدهرة والاسواق المالية المتقدمة جدا بالنسبة لعصرها .

بدا الموضوع بانها زهرة غريبة وجديدة انماطها مميزة ومش موجودة وقتها
بدا زراعتها في بيوت الاثرياء كهواية وبالتدريج بقت رمز للرفاهية والثراء .


بداية الارتفاع الجنوني :-
حوالي سنة 1634 الطلب زاد جدا علي التوليب .
حيث بدا التجار والمستثمرين يتعاملوا مع البصيلات زي التعامل مع الاسهم والذهب حاليا بيشتروا بس علشان يرجعوا يبيعوا علي اسعار اعلي .
الاسعار استمرت في الارتفاع كل اسبوع اكتر من اللي قبله وفجاة ظهرت سوق خاصة لعقود التوليب ( عقود مستقبلية – يعني بيشتروا الزهور قبل ما تتزرع اصلا ) .

قمة الارتفاع الجنوني :-
في سنة 1636 بدا الموضوع يتنقل من الطبقة الغنية للعامة والجميع اصبح يزرع التوليب كرمز للتباهي والغني مما ادي ان اسعار بعض انواع التوليب وصل سعرها لسعر بيت كامل في امستردام .

بعض الناس باعوا اراضيهم ومزارعهم اللي هي مصدر رزقهم الرئيسي علشان يشتروا التوليب ويتاجروا فيه .

سوق التوليب وقتها بقي كله مضاربة والناس بتشتري لمجرد ان السعر بيزيد جدا وهيزيد اكتر وهيرجعوا يبيعوا علي مكاسب ويشتروا باسعار ارخص حتي لو مش محتاجين الزهرة تماما .

الانفجار :-

في فبراير 1637 في احد المزادات الناس بدات ترفض تدفع الاسعار العالية فجاة .
الخوف انتشر بسرعة وسط الناس والكل بدا يبيع والسوق مفيهوش مشترين ياخدوا منهم التوليب .
وفي خلال اسابيع قليلة الاسعار انهاااااارات تماما والاسعار فقدت 90 % من قيمتها .
والناس اللي باعت بيوتها ومصادر رزقها اصبحت خسرانة كل ما تملك .


واصبحت فقاعة التوليب مانيا هي رمز لاي فقاعة حديثة .

ومن هنا تعرف انك متبقاش ضحية لاي فقاعة بتتحضر خليك دايما دارس مخاطرك كويس وعارف انت قادر تخاطر بكام والفلوس اللي بتخاطر بيها هي مش مصدر رزقك ومعيشتك الاساسي .
وتعرف ان السوق ممكن يعيش في وهم جماعي لفترة طويلة .
وان مفيش اصل مالي بيطلع للابد – دايما بيجي وقت التصحيح .

وان الاسواق دائما بتعيد نفسها لان ده مش سلوك فرد ده سلوك جماعي وهذا ما يسمي بسيكولوجية الجمع في كل الازمان