الجمل المؤثرة في مؤتمر الفيدرالي للفائدة

طبعًا قرار الفائدة كلنا عارفين إنه بيصدر بشكل دوري (تقريبًا كل 45 يوم). الخبر بيطلع الأول، وبعده بنصف ساعة بيظهر جيروم باول في المؤتمر الصحفي بيتكلم عن أسباب اتخاذ القرار.

السؤال هنا: إيه اللي بيأثر أكتر على السوق؟ القرار نفسه ولا المؤتمر؟

إحنا عارفين إن قرار الفائدة بيكون غالبًا يا إما تثبيت أو رفع او خفض، وكل ده بيأثر على السوق. لكن هل التأثير ده دايمًا بيكون قوي وواضح؟

في بعض الأحيان، لما القرار بيصدر، التأثير ما بيكونش قوي 

طيب إمتى التأثير الحقيقي بيبان ؟

هنا بييجي دور المؤتمر الصحفي، واللي بيكون غالبًا أهم من القرار نفسه. المؤتمر اسمه FOMC Press Conference، وبيظهر فيه رئيس الاحتياطي الفيدرالي جيروم باول بعد إعلان القرار.

في المؤتمر ده، بيبدأ التأثير الحقيقي على السوق

 لأن باول بيشرح:–

-ليه القرار اتاخد

-شكل الاقتصاد الحالي

-وتوقعاته للفترة الجاية

ومن خلال كلامه، الناس بيحددوا هل نبرة الحديث إيجابية ولا سلبية، وده اللي بيحرك السوق بشكل أكبر.

الجمل الإيجابية للذهب

” قربنا من وقت المناسب لخفض الفائده “

معناها انها سياسه اسهل جايه ودا معناها أن الذهب يطلع بقوه

” التضخم ماشي بثبات ناحيه الهدف “

معناها أن مفيش ضغط لرفع الفائده يعني إيجابي للذهب

“. ماشي بثبات ناحية الهدف

 يعني مفيش ضغط لرفع الفائدة

 ايجابي للذهب                                                                             

“الفائدة الحالية كفاية”

 يعني مفيش رفع جديد

يعني إيجابي للذهب

                                                                                                                                             الجمل السلبية للذهب:

” سوق العمل قوي ويدعم الفائده العاليه “

دا معناها أن الدولار يقوي و الذهب ينزل

“التضخم ما زال مرتفعًا”

معناها إن في احتمال لرفع الفائدة، وده بيضغط على الذهب (ممكن ينزل).

“مستعدون لرفع الفائدة مرة أخرى”

إشارة سلبية قوية للذهب.

“الفائدة ستظل مرتفعة لفترة طويلة”

معناها إن مفيش خفض قريب، وده سلبي جدًا للذهب

طيب إمتى يحصل تذبذب قوي في الذهب؟

في بعض الأحيان، الذهب بيبقى متذبذب (يطلع وينزل بسرعة)، وده بيحصل غالبًا لما يكون في تضارب في التصريحات أو ضغوط سياسية.

مثال على كده:–

حصل خلاف بين دونالد ترامب وجيروم باول.

ترامب كان عايز الاقتصاد يفضل قوي، فكان بيضغط لتخفيض الفائدة بسرعة.

في المقابل، باول كان شايف إن لازم الفائدة تفضل مرتفعة علشان السيطرة على التضخم.

الخلاف ده ظهر في التصريحات الإعلامية:

ترامب كان بيدعو لتخفيض الفائدة

وباول كان بيرد إنه هيعتمد على البيانات ومش هيتخذ قرارات تحت ضغط سياسي

تأثير ده على السوق :

لما يكون في ضغط لتخفيض الفائدة  الذهب يميل للصعود

لكن لما الفيدرالي يثبت أو يرفض الضغط ان السوق بيهدأ ويتحرك طبق البيانات  .

الخلاصة
مؤتمر رئيس الفيدرالي الامريكي هو اللي بيوضح الاسباب الحقيقة لاتخاذ القرار وبناء عليه تحرك الاسواق المالية فيما بعد اصدار الخبر

                                بقلم : محمد حسنين