صدمة الذهب

صدمة الذهب

هل تعلم انه في سابقة تاريخية استمر الذهب في الهبوط لتلت اعوام متتالية ؟

وخلي بالك ده مش زمان اوي لان الاعوام هي 2013 – 2014 – 2015 هبط فيها الذهب من قمته 1900 دولار ل 1046 دولار ما يقارب ال%45

:تعالي بقي اقولك اي اللي حصل وهل ده ممكن يحصل تاني ولا لا ؟ اسباب الهبوط العنيف كانت

١-انتهاء التيسير الكمي في امريكا بعد ازمة 2008 الاحتياطي الفيدرالي الامريكي كان بيطبع فلوس كتير لدعم الاقتصاد وفي عام 2013 (Taper Tantrum) حصل حدث مهم اسمه

. وهو ان الفيدرالي اعلن انه هيقلل ضخ الفلوس وده معناه نقص في السيولة وبناء عليه الاسواق اتوترت والدولار بدا يقل المعروض منه وده خلي

٢-الدولار يقوي جدا وبناء عليه بدا يحصل هبوط قوي في الذهب-الفيدرالي بدا يلمح لرفع الفائدة وده طبعا علشان يلم كمية الفلوس اللي اطبعت وبقت مع الشعب وده بطبيعة الحال يخلي المستثمرين يبيعوا الذهب ويتجهوا لادوات تانية زي السندات وغيرها من الحلول البنكية للاستفادة من رفع الفائدة

خروج ضخم من صناديق الذهب (ETF) ٣- المستثمرون باعوا كميات ضخمة من الذهب المعروض زاد جدا في الاسواقاصبح هناك ضغط بيعي كبير علي الذهب مما ادي لهبوط سعره

تغير نفسية االسوق (Market Sentiment) .٤-بعد ما الذهب وصل قمة تاريخية حوالي 1900 دولار في عام 2011 الناس بدات تشوف الذهب انه (Over Valued)

.وبدا التحول من الخوف الي الثقة في الاقتصاد وهنا نزل جدا مؤشر الخوف ووصل 11 علي مؤشر ال VIX وهو من اقل القرائات في التاريخ وده علاقة طردية بالذهب فانهار الذهب هو الاخر . وذلك ادي الي انهيار مفاجئ في 2013 يسمي (Crash) . واللي السوق مقدرش يتعافي منه غير مع بدايات 2016 وكان من اسبابه اشاعات بيع احتياطي ذهب لدول زي قبرص وقتها .

وكدا تقدر تلخص اسباب انهيار الذهب في ٣ نقط مهمة جدا

١- الفائدة (التشديد االنقدي)

٢- قوة الدولار الامريكي

-٣- خروج سيولة من السوق طب هل ده ممكن يحصل تاني ؟

خليك الاول عارف ان نزول الذهب الحالي من القمة 5600 دولار الي سعر 4098 دولار ده بيعني نزول حوالي 28% من قيمة الذهب وده رقم مش صغير .بمنهجية علمية خلينا نشوف العوامل اللي ادت للنزول الكبير للذهب متوفرة في وضعنا الحالي.

– (التشديد النقدى) ١- رفع الفائدة صعب نشوف رفع للفائدة في ظل وجود ترامب واقتراب تعينه لوارش احد رجالة لقيادة الفيدرالي خلفا لباول واذا افترتنا لاضعف النسب انه هيحصل رفع للفائدة فيهكون لمرة واحدة او اتنين وليس تحول واضح وصريح في السياسة النقدية وتحولها لتشدد النقدي

٢- قوة الدولار الامريكي وهنا لازم تكون عارف ان سياسة الرجل الاول في امريكا وهو ترامب انه دايما عايز الدولار ضعيف وان القوة الحالية للدولار مرهونة بالحرب وازمة النفط مما جعل هناك ازمة سيولة رفعت من الطلب علي الدولار وعلشان تقدر تقول دولار بقي قوي DXYلازم يصعد ويستقر فوق ال 100 علي مؤشر

-٣- خروج سيولة من السوق وهو عكس ما اعلنت عنه اغلب البنوك المركزية الكبري اللي مازلت تتحوط بالذهب ولا تعلن عن اي نية لبيعه الي جانب استمرار توقعات وصول السعر بنهاية 2026 لسعر 6000 دولار للاوقية وده بينفي عدم الثقة في المعدن الاصفر وبياكد انه النظرة العامة للذهب انه مسعر بسعر حقيقي ليس اكثر من قيمته .

طب عندنا نقطة اهم بكتير وهي اي اللي حصل بعد انتهاء هذا الهبوط وحل اسبابه

استمر الذهب في الصعود لمدة 10 سنين مع تحقيق مكاسب مستمرة باستثناء 3 اعوام وكانت هبوط عرضي ( يعني لم يسبب خسارة ) اذن علي مدار التاريخ الذهب لما يفقد رونقه ابدا وظل هو الملاذ الامن للمدخر طويل الاجل اما المضارب فهذه التحركات صعودا وهبوطا (التذبذب ) هي اساس مكسبهم

قلم حسام محروس