القيمة السوقية للاسواق والاصول المالية

القيمة السوقية للاسواق والاصول المالية

كتير بنسمع خسارة الذهب 3 تريليون دولار في تداولات اليوم او خسارة السهم الفلاني اكتر من 600 مليار دولار في تداولات الساعات الاخيرة
تعالي نفهم اي اللي حصل ومين اللي خسر الرقم ده وازاي تقدر تحسبه بنفسك :-

1 – ازاي نحسب خسارة اي اصل في العالم ؟
1- حساب القيمة السوقية : بنعرف المخزون العالمي الاجمالي كام من حيث الكمية وبنضربه في السعر وكدا بنكون عرفنا القيمة السوقية للاصل
2- بنعرف الهبوط او الصعود اللي حصل في السعر بمقدار كام دولار
3- بنضرب الزيادة او الهبوط ده في القيمة السوقية
وكدا نعرف الاصل ده خسر كام النهاردة  وعلي سبيل المثال :-

مخزون الذهب العالمي 220 الف طن 
لو ضربناهم في السعر الحالي للذهب هنضطر نجيب سعر الجرام من الاونصة وده كالتالي
4500 علي 31.1 هيكون سعر الجرام يساوي 144 دولار 
والطن بيكون عبارة عن الف كيلو يعني  مليون جرام اذن سعر الطن بيساوي 144 * 1000000 يعني 144 مليون دولار
ونحسب القيمة السوقية = 144 مليون في 220 الف طن يساوي 31.68 تريليون دولار

وبافتراض هبوط الذهب بكرا 100 دولار فكدا نقدر نعرف الذهب خسر كام من قيمته السوقية في اليوم ده عن طريق : الوزن * قيمة الهبوط

هنا لازم نعرف  نحسب قيمة الهبوط دي للجرام الواحد
وده هنقسم ال 100 دولار علي 31.1 ( وزن الاونصة ) = حوالي 3 دولار
220 الف طن ( يعني 220 الف مليون جرام )  * 3 دولار خسارة للجرام = 66 مليار دولار خسارة لاجمالي ذهب العالم
يعني الذهب خسر 66 مليار دولار من قيمته السوقية في الهبوط ده
ولكن مفيش مكان محدد خسر الرقم ده انما معدن الذهب قلت قيمته بهذا الرقم ليس اكثر
انت مشارك في الخسارة دي بالاتنين جرام بتوعك لانك خسران 6 دولار من ال 66 مليار دول

الخلاصة
متخليش المنشتات والعنواين الصادمة دي تخضك خليك واثق في ذهبك لانه الملاذ الامن الاهم في العالم

بقلم
حسام محروس