برميل نفط ولا اونصة دهب؟

برميل نفط ولا أونصة دهب؟ 🛢️🥇 

👀🥇 في الذهب… لما السوق يفضّل دلوقتي على بكرة Backwardation

تخيل إن قدامك أونصة دهب تقدر تشتريها دلوقتي، أو تستنى كام شهر وتشتريها بسعر أقل.  

السؤال هنا مش : الدهب غالي ولا رخيص؟  

السؤال الأهم: ليه السوق مستعد يدفع أكتر عشان يمتلك الذهب دلوقتي؟  

:  Backwardation هنا بنوصل لمصطلح مش بنسمعه كتير، لكنه بيقولنا حاجه مهمة جدًا عن السوق 

؟ Backwardation طيب يعني ايه

:  علشان نفهمها، لازم الأول نفرّق بين سعرين 

. Spot Price:سعر الذهب في الوقت الحالي   

. Futures Price: السعر المتفق عليه لشراء الذهب في وقت تاني   

. يعني سعر العقود الآجلة بيكون أعلى من السعر الفوري , Contango في الظروف الطبيعية ،الذهب غالبًا بيميل لحالة اسمها 

وده منطقي؛ لأن امتلاك الذهب له تكاليف مرتبطة بالتمويل والتخزين والتأمين وغيرها.  

… لكن لو حصل العكس

Spot > Futures  

. Backwardation هنا بنقول إن منحنى الذهب دخل في   

:   بمعنى أبسط

.الذهب اللي في إيدك دلوقتي أصبح أغلى من وعد بامتلاك الذهب في المستقبل  

طب ليه ده ممكن يحصل؟ 🤔  

. لأن قيمة امتلاك الذهب الآن ممكن تزيد بشكل واضح

ممكن يكون فيه طلب قوي على الذهب الفوري، أو ضغط على المعروض المتاح للتسليم، أو ظروف سيولة وتمويل بتخلي الحصول على . المعدن في الوقت الحالي أكثر أهمية  

: وده بيخلينا نسأل سؤال أهم  

هل السوق عايز الذهب نفسه… ولا مجرد عرض لسعر الذهب؟ 

. لأن الاتنين مش بالضرورة نفس الحاجة   

. لما الطلب على المعدن الفعلي يزيد، ممكن قيمة الذهب المتاح فورًا تختلف عن قيمة عقد هيتسلّم بعد فترة  

. وهنا يبدأ منحنى الأسعار يحكيلنا قصة مختلفة  

وهنا يدخل النفط في الصورة 🛢️

  . مش ظاهرة خاصة بالذهب Backwardationالـ

في أسواق زي النفط، بنشوفها بشكل أوضح وأحيانًا بصورة طبيعية جدًا.  

Premium لو حصل نقص في النفط المتاح حاليًا، أو ارتفع الطلب عليه بشكل مفاجئ، ممكن الناس تدفع
. علشان تحصل على البرميل دلوقتي بدل ما تستنى. وده منطقي جدًا

. المصنع محتاج النفط يشغّل إنتاجه  

. شركة الطيران محتاجة وقود  

. المصفاة محتاجة خام

. يعني فيه استخدام مباشر للسلعة الآن  

. ممكن يكون ببساطة انعكاسًا لـشح المعروض الفوري مقابل الطلب الحالي Backwardation , لذلك في النفط

لكن الذهب مختلف شوية. الذهب مش بيتستهلك بنفس الطريقة اللي النفط بيتستهلك بيها   

البرميل اللي اتحرق خلاص اختفى من المخزون.  

. أما الأونصة اللي اتخزنت النهارده، ممكن تفضل موجودة لسنين   

: في الذهب ممكن يخلينا نسأل سؤال مختلف  Backwardation وعشان كدة ظهور

إيه اللي خلا امتلاك الذهب الآن أكثر قيمة من الانتظار؟  

 🚀 معناها إن الذهب هيطير؟ Backwardation هل

مش بالضرورة. ودي نقطة مهمة جدًا  

: مينفعش نقول   

. Backwardation = الذهب هيصعد  

. في حد ذاته مش مؤشر شراء مضمون Backwardation لأن الـ

. هو أولًا وصف لشكل منحنى الأسعار  

والأهم من وجوده هو: ليه حصل؟  

هل السبب نقص مؤقت في الذهب الفوري؟  

هل فيه طلب قوي على التسليم؟  

هل فيه أزمة سيولة أو تمويل؟  

؟  Spot والـ Futures ولا فيه عامل تاني بيضغط على العلاقة بين الـ

. الإجابة هي اللي بتحدد أهمية الظاهرة  

طيب المتداول يستفيد بإيه؟ 👀  

: لأنك لما تتابع الذهب، مش لازم تبص على الشارت وتسأل   

“الذهب طلع ولا نزل؟”  

ممكن تسأل سؤال أذكى: “السوق بيسعّر الذهب دلوقتي إزاي مقارنة بالمستقبل؟  

. فده بيحكي قصة , Contango لو المنحنى طبيعي وداخل في

.فدي برضه قصة , Backwardation ولو بدأ المنحنى يضيق أو يتحول إلى

… مش معناها تلقائيًا إن فيه أزمة 

لكن معناها إن فيه سبب يستحق إنك تعرفه  

الذهب vs النفط  

: وهنا الفرق الجميل  

.” ممكن يقول: “أنا محتاج البرميل دلوقتي Backwardation في النفط، الـ  

أما في الذهب، فممكن يخلينا نسأل: ليه امتلاك الأونصة الآن أصبح أكثر قيمة من امتلاك عقد عليها في المستقبل؟”  

. وده بالضبط اللي يخلي متابعة منحنى الذهب مهمة   

…لأن أحيانًا السعر نفسه مش بيكون القصة كلها

. الفرق بين سعر الذهب الآن وسعره في المستقبل ممكن يحكي لك قصة السوق قبل ما تسمعها من الشارت 👀🥇 
 
 
 
بقلم : ناردين شحاته