تاجر الذهب لازم يبقي ديلر 

تاجر الذهب لازم يبقي ديلر 

وطبعا احنا نقصد ال Dealer وهذا هو الفاعل لفعل Dealing ودي من اهم الوظائف اللي بدير المخاطر في اي منظومة مالية سواء بنوك او شركات مالية او حتي في سوق الذهب المصري .  
وهو عنده مهمتين واضحين اساسيتين :-  
الاولي هي التحوط Hedging  
الثانية وهي تحقيق الارباح  
وعلشان كدا في المقام الاول (لو اتخذنا المهام الوظيفية للديلر وطبقناها علي تاجر الذهب المصري )  
فهو مش بيهمه الاول انه يعرف اتجاه السوق اي  
هو بيهمه يعرف السوق ده بيعمل الحركة دي ليه ؟ 
لان بيكون عنده فهم لمصطلحات كتير مش عندك زي السيولة Liquidity وال spot وال futures ودي اسعار التنفيذ الفعلية والمستقبلية وال order flow وازاي كل ده بيتفاعل مع بعضه  .  
وكمان عنده علامات مهمة يعرف منها هو سعر تسليم اخر الاسبوع ده اعلي من السعر اللحظي ولا اقل  
ويعرف ان ده مش دليل علي اتجاه الا لما يخضع لاسئلة معينة  
وبناء عليه يقدر يتحوط من اي حركة مفاجئة بانه يحمي وزنته لان راس مال اي تاجر ذهبه  
 
ثانيا : تاجر الذهب عنده جزء من المخاطرة المسموح بيه وده في اطار مهمته التانية وهي تحقيق الارباح  
انه اه يقدر يتوقع سعر السوق ويقدر ينام مكشوف ولكن بجزء هو مخاطر انه هيقدر يلمه تاني بس بسعر افضل بهدف تحقيق الارباح ولكن الديلر الشاطر هو اللي عنده قواعد ثابتة للعبة دي وهي تشبه جدا الذهب الديجيتال فال StopLoss ولكن علي ارض الواقع  
طب هتستفيد اي من انك تتعلم اللي التاجر بيعمله وتفهم انه شي علمي يسمي Dealing  
انك لازم تكون ديلر بمعني انك تعرف اسباب حركة السعر وتقدر تجمع كل المعطيات دي وتتعلم يعني اي مصطلح السيولة وتكاليف الCost of Carry وهل في Convenience Yield ولا لا علشان تكون قرار صح  
انك لازم تكون بتعرف تتحوط في محفظتك الاستثمارية وبتعمل خطط بديلة وفي نفس الوقت عندك جزء محدده من بداية الاستثمار بتقدر تخاطر بيه ولكن بقواعد صارمة  
وعلشان كدا مش اي حد قادر يتكلم في تسعير الذهب لمجرد متابعته للسوق تخيل يا عزيزي الاعرابي 😂😂 

فببساطة تاجر الذهب المتمرس اللي فاهم Dealing هو قادر يقرا السعر ويفهم عوامل التسعير انما مش بيجري ورا حركة سوق 
  
 
 
 
بقلم  
حسام محروس